Футзал бўйича Ўзбекистон миллий терма жамоаси бугундан навбатдаги йиғинга киришди.
Айни пайтда бош мураббий Хосе Мария Мендез ўз ватанида бўлгани туфайли машғулотни унинг ёрдамчилари Баҳодир Аҳмедов ҳамда Николай Одушев олиб боришмоқда.
Йиғинга чақирилган футзалчилардан эрталабки машғулотда кичик жароҳати борлиги сабаб Рустам Умаров ва Константин Свиридов иштирок этишмади. Эрталабки машғулотда футзалчилар дастлаб югуришди, кейин эса тренажёр залида шуғулланишди. Кечки машғулот 17:00 да ўтказилди.