«Барселона» ўйинчилари — ярим ҳимоячи Сержи Сампер ва ҳужумчи Сандро Рамирес қишки трансфер пайтида ўз фаолиятини Англия жамоаларда давом эттириши мумкин.
Sport.es тарқатган маълумотларга қараганда, «Арсенал» Сампер учун 6 миллион евро таклиф қилмоқда. 20 ёшли футболчининг шартномасида товон пули 12 миллион евро кўрсатилган.
Манбага кўра, Сандро Рамирес учун «Тоттенхэм» 12 миллион евро тўламоқчи ва ҳужумчининг ўзига 4,5 йиллик шартнома таклиф қилмоқда. Бундан ташқари, «шпорлар» ўйинчини қайта сотиб олиш ҳуқуқи «Барселона»да қолишини исташмаяпти.