Кеча “Қўқон-1912” жамоаси 2015 йил якунлари ва янги йил муносабати билан байрам тадбирини ўтказди.
Клуб расмий сайтининг маълумот тарқатишича, ушбу тадбирда Қўқон шаҳар ҳокими Акрамжон Абдуллаев, Фарғона вилоят Футбол федерацияси биринчи вице-президенти Тоҳир Кападзе, клуб раҳбарлари, мураббийлар, футболчилар, ОАВ вакиллари, “Марказий” ўйингоҳ ходимлари ва мухлислар иштирок этишди.
Тадбирда сўзга чиққан Қўқон шаҳар ҳокими Акрамжон Абдуллаев жамоа олдига янги мавсумда 6-ўринни олиш вазифаси қўйилганини таъкидлади.
- Қўқонлик футбол мухлислари ўта талабчан. Шунинг учун янги мавумда жамоа олдига 6-ўринни олиш вазифасини қўямиз. Бунинг учун “Қўқон-1912” жамоасида барча имкониятлар мавжуд. Янги бош мураббий сифатида иш бошлаган Муроджон Исмоиловга ҳам омад тилайман, - деди Акрамжон Абдуллаев.
Янги йил муносабати билан жамоа аъзоларига қисқача таътил берилди. Энди иккинчи йиғин 4 январь куни Тошкентда бошланади.
