"Барселона" клуби аъзолари Арда Туран ҳамда Алеиш Видаль тез кунда янги клуб сафида расмий дебютини ўтказишади.
2016 йилнинг 1-январидан бошлаб ФИФАнинг “Барселона”га нисбатан қўллаган чеклови ўз ниҳоясига етиб, жамоа мухлислари ниҳоят янги футболчиларни асосий таркибда кўришлари мумкин бўлади.
El Mundo Deportivo нашрининг хабар қилишича, туркиялик ярим ҳимоячи Арда Туран "Барселона" сафида "7" рақам остида ҳаракат қиладии. Бундан аввал, "7" рақам остида Хенрик Ларссон, Давид Вилья ва Педро сингари ҳужумчилар "Барселона" сафида тўп суришганди.
Испаниялик ярим ҳимоячи Алеиш Видаль эса "22" рақамни танлади. Ушбу рақам остида Дани Алвес (ҳозирда "6" рақам) ва Эрик Абидал сингари маҳоратли ҳимоячилар "Барселона" шарафини ҳимоя қилишган.
