Халқаро спорт нашрлари ассоциацияси 2015 йилнинг энг яхши спортчилари ва жамоалари номини эълон қилди.

Ассоциация журналистлари томонидан ўтказилган сўровнома натижасига кўра, эркаклар орасида Усэйн Болт йилнинг "энг яхши спортчиси" деб топилди. Ямайкалик атлет сўровномада дунёнинг биринчи ракеткаси Новак Жокович ва "Барселона" ҳужумчиси Лионель Мессини ортда қолдирди.

2015 йилнинг энг яхши жамоаси "Барселона" бўлди. Йил давомида 5 та совринни қўлга киритган "каталонияликлар" регби бўйича Жаҳон чемпионига айланган Янги Зеландия терма жамоаси ва МБА ғолиби "Голден Стэйт" клубини ортда қолдиришди.

Аёллар орасида америкалик Серена Уильямс тенгсиз деб топилди. Иккинчи ва учинчи ўринлар енгил атлетикачиларга насиб этди. Ушбу овоз бериш жараёнида дунёнинг 91 давлатидан спорт журналистлари иштирок этишди.

Ўрин    Йил спортчиси (Эркак)    Овоз (%)
1    Усэйн Болт (Енгил атлетика)    804 (27,74%)
2    Новак Жокович (теннис)    774 (26,71%)
3    Лионель Месси (футбол)    380 (13,11%)

Ўрин    Йил спортчиси (Аёл)        Овоз (%)
1    Серена Уильямс (теннис)    664 (24,19%)
2    Гензебе Дибаба (Енгил атлетика)    362 (13,19%)
3    Дафна Схипперс (Енгил атлетика)    283 (10,31%)

Ўрин    Йил жамоаси       Овоз (%)
1    «Барселона» (футбол)    848 (30,2%)
2    Янги Зеландия терма жамоаси (регби)    506 (18,02%)
3    «Голден Стэйт» (баскетбол)    298 (10,61%)