Лондоннинг “Арсенал” жамоаси дарвозабони Петр Чех нега “Челси”ни тарк этиб, “тўпчилар” сафига келиб қўшилганини ошкор этди.
- Мен доимо катта ғалабарларга эришишни истайман. Шу сабабли ҳам “Челси”ни тарк этиб, “Арсенал” сафидан ўрин олдим. Мен “Арсенал”нинг Премьер Лига тахтига чиқа олишига ишонаман. Йўқса бу ерга келмаган бўлардим. Биздан ўзимиз намойиш этаётган ўйинни сақлаб қолиш ва уни янада такомиллаштириш талаб этилади. Ўйлашимча, “Арсенал”нинг чемпионликка эришиш учун имконияти етарли, - дейди тажрибали голкипер.
Таъкидлаб ўтамиз, Петр Чех жорий мавсум аввалида “Арсенал”га кўчиб ўтди. Унгача 33 ёшли дарвозабон 11 мавсум давомида “Челси” дарвозасини қўриқлаганди.