«Реал» бош мураббийи Рафаэль Бенитес ўз лавозимидан озод этилади. Бу ҳақда Onda Cero хабар тарқатди.

"Қаймоқранглилар" ярим ҳимоячиси Иско жамоадаги ўзининг ҳолатидан қониқиш ҳосил қилмаяпти. У сўнгги ўйинларда захирада қолиб кетаётгани учун бошқа жамоага ўтишни истамоқда.

Манбага кўра, клуб раҳбарияти футболчидан озгина сабр қилишни ва Бенитеснинг истеъфога чиқарилишини айтган.

Испания ОАВда Бенитеснинг истеъфоси яқин экани ҳақида кўп маълумотлар тарқатилди. Жамоа Ла лиганинг 17-тури доирасида «Реал Сосьедад»ни мағлуб этганига қарамай, мухлислар мураббийга нисбатан ҳуштакбозлик қилишган.

Иско Испания чемпионатининг ушбу мавсумида 13та ўйинда, шундан 9тасида асосий таркибда майдонга тушган. У битта гол урди ва 3та голга ассистентлик қилди. Ҳозирда унга «Манчестер Сити» қизиқиш билдирмоқда.