“Севинч” жамоаси бугундан Қарши шаҳридаги ўз қароргоҳида йиғилди. Бугундан футболчи қизларимиз мавсумолди машғулотларини бошлашди.Жамоамиз сафини бу йилдан Маҳлиё Сарикова ва Олия Ахмедовалар тарк этишган. Ўтган мавсумнинг иккинчи даврасини Муборакнинг “Машъал” жамоасида ўтказган Мафтуна Шойимова ва Шохида Тожиддиновалар янги мавсумни яна жамоамиз сафида бошлашадиган бўлишди.
Жамоамиз сафини шунингдек бир неча ёш футболчилар билан тўлдирилиши кутилмоқда, бу ҳақда кейинроқ батафсил маълумот берамиз.
Шундай қилиб, бугундан жамоамиз машғулотларни бошлашди. Машғулотлар универсал манежда олиб борилмоқда. Янги йилда жамоамиз иштирокидаги илк мусобақа мини-футбол бўйича Ўзбекистон чемпионати бўлади.
“Севинч” жамоаси ҳар йили январ ойининг сўнгги ўн кунлигида бошланадиган мини футбол бўйича XII Ўзбекистон чемпионатида ҳамда X Ўзбекистон Кубогида иштирок этади. Эслатиб ўтамиз, жамоамиз мини-футбол бўйича амалдаги Ўзбекистон чемпиони ва Ўзбекистон Кубоги соҳиби ҳамдир.
Жамоамиз футболчи қизларига янги мавсумда ҳам омадлар тилаб қоламиз.
