Мадриднинг “Реал” клуби бир неча кун олдин Рафаэль Бенитесни клуб бошқарувидан озод этиб, унинг ўрнини Зинедин Зидан билан тўлдирган эди. Бенитес футболчилар билан тил топиша олмагани учун жамоадан кетказилди.
Football-espanana.net порталининг маълум қилишича, Бенитес “қироллик клуби” етакчилари Серхио Рамос ва Криштиану Роналду билан муносабатлари яхши бўлмаган. Бу эса унинг фаолиятига таъсир ўтказган. Шунингдек Хамес, Хесе ва Иско ҳам мураббийнинг лавозимидан озод этилишида асосий сабабчиларидан бщлишган.
Манбанинг хабар беришича, Бенитесни жамоада фақатгина Пепе қўллаб-қувватлаган экан. Лекин португалиялик ҳимоячини Бенитесга моънелик кўрсатиши етарлича бўлмади.