Янги мавсумга ҳозирлик кўраётган Тошкентнинг “Локомотив” жамоаси иккинчи йиғинни бугун якунлайди ва эртадан жамоанинг йиғини Дубайга кўчади.

“Темирйўлчилар” БААда клуби 9-22 январь кунлари жорий йил ҳисобидан илк хориж йиғинини ўтказишади. Мазкур йиғин доирасида “Локо” бир қатор футболчиларни ҳам кўрикдан ўтказади. Улар орасида легионерлар ҳам бўлишини таъкидлаб ўтишимиз жоиз. “Локомотив” бош мураббийи Мирко Йеличичнинг айтишича, йиғинда қатнашадиган легионерлардан бири Голландия чемпионатидан ташриф буюради.

Таъкидлаб ўтамиз, “темирйўлчилар” бу йиғин доирасида учта ўртоқлик учрашуви ўтказишни ҳам режалаштиришган. “Локо” дастлаб “Ал Аҳли”, сўнгра “Хенан Жианье” ва якунда Словакия (U-21) терма жамоалари билан синов-назорат баҳсларида майдонга тушилади.