Биласиз, ҳамюртларимиз Фарҳод Тожиев ва Садриддин Абдуллаев ортда қолган мавсумни Малайзияда ўтказишди.
“Т-Тим” клуби билан шартнома муддати якунига етгач ҳар икки футболчи ҳам юртимизга қайтганди. Маълум бўлишича, ҳозирда Тожиев ҳам, Абдуллаев ҳам бир қатор жамоалардан бўлаётган таклифларни кўриб чиқишмоқда.
Садриддин Абдуллаев эса спорт формасини ушлаб туриш учун “Локомотив” жамоаси машғулотларида иштирок этаётган эди. Олинган маълумотларга қараганда, ушбу тажрибали ярим ҳимоячи “темирйўлчилар”нинг Дубайда бўладиган йиғинида ҳам иштирок этади. Бу эса Абдуллаевнинг янги мавсумни катта эҳтимол билан “Локо” таркибида ўтказиши мумкинлигини билдиради.
Воқеалар ривожини кузатишда давом этамиз…
