Нукуснинг “Орол” жамоаси ҳужумчиси Нурлибек Таласбаев Қувасойнинг “Цементчи” клуби кўригида бўлиб тургани ҳақида хабар бериб ўтган эдик.
Биз Нурлибек билан боғланиб унинг “Цементчи”га қандай бориб қолганлиги билан қизиқдик.
“7 январдан буён “Цементчи” жамоаси машғулотларида иштирок этяпман. Бу ерга қай тарзда келиб қолдим? Менга “Цементчи” жамоаси мураббийлари телефон қилди ва клуб президенти мени жамоада кўришини хоҳлаётганини таъкидлашди. Шу боис жамоада ўзимни синаб кўришни таклиф этишди. Бу таклиф менга маъқул тушди ва шундан сўнг Қувасойга етиб келдим.
Жамоада қоламанми? Агар шартнома бандлари мени қониқтирса, жон деб кейинги мавсумни Қувасойда бошлайман”, - дейди ҳужумчи.
Воқеалар ривожини кузатишда давом этамиз.
Фурқат Юсупов суҳбатлашди.
Манба: www.Furkat.uz
