Хабарингиз бор, тажрибали ҳужумчи Воҳид Шодиев энди фаолиятини Малайзия Суперлигасида давом эттиради.
29 ёшли маҳоратли футболчи “Перак” клуби билан шартнома имзолаганди. Малайзия Суперлигасида янги мавсум ҳали старт олмагани боис жамоалар ҳозирда қишки йиғинларни ўтказишмоқда. Бир неча кун олдин “Перак” клуби “Фелкра” жамоасига қарши ўртоқлик учрашуви ўтказганди ва ўша ўйинда янги жамоаси сафида дебют қилган Воҳид Шодиев илк голини киритишга муваффақ бўлганди.
Кеча “Перак” навбатдаги синов-назорат баҳсида майдонга тушди. “ДРБ Ҳиком” жамоасига қарши кечган ўйинда ҳамюртимизнинг жамоаси 2 тўп фарқи билан зафар қучди. Воҳид Шодиев ўйинни бошланғич таркибда бошлади ва тўлиқ 90 дақиқа ўйнади.
