Барчангизга маьлум, эртага Қатар давлати пойтахти Доҳа шаҳрида 23-ёшгача бўлган футболчилар ўртасида Осиё чемпионати бошланади.

С Бабаян бу мусобақага олиб кетган таркибда “Қўқон-1912” жамоасининг иқтидорли дарвозабони Асилбек Амонов ҳам борлиги барчамизни хурсанд қилди. Биз Асилбекка Осиё чемпионатида омад ёр бўлишини тилаймиз. Бу чемпионатда биринчи, иккинчи ва учинчи ўринни қўлга киритган жамоалар , шу йилнинг ёзида Бразилияда бўлиб ўтадиган навбатдаги олимпия ўйинларига йўлланмани қўлга киритади. Айнан мана шу жихат бу мусобақага бўлган қизиқишни икки ҳисса орттирган десак муболаға бўлмайди. “Қўқон-1912” клуби матбуот хизмати сиз азиз мухлисларга Осиё чемпионатидан қайноқ хабар ва лавҳалар юборишни режа қилган. Шу мақсадда Доҳа шаҳридаги мусобақа томон камина ҳам йўлга чиқмоқдаман.  Бизни расмий сайтимиз ва  инстагараммдаги Kokand1912_fk  саҳифамиз орқали кузатиб боринг.

Акрамжон Мамадалиев.