Олмалиқ шаҳрида машғулотлар режа асосида давом этмоқда.
Аввал хабар берганимиздек, жамоа футболчилари 8 январь куни тиббий кўрикдан ўтишди. Жамоа сафига сардор Евгений Гоголь келиб қўшилди. Шунингдек, 2015 йилги мавсумни "Зомин"да ўтказган Ислом Битўраев ҳам кўрикка чақирилган. Жамоа билан бирга тиббий кўрикдан ўтган Иброҳим Раҳимов учинчи йиғиндан "Олмалиқ" таркибидан жой олади. Навбатдаги йиғинда жамоамизнинг Туркманистонлик легионери Арсланмурод Аманов ва унинг ҳамюрти ҳужумчи Алтимурот Аннадурдиев қўшилиши кутилмоқда. Мухлисларимизга яхши таниш Дарко Станоевич яна жамоага қайтмоқда. У ҳам Тошкентда бошланадиган йиғинда жамоа сафини тўлдиради.
