УЕФАнинг амалдаги президенти Мишель Платини ўзининг 8 йил муддатга футболдаги фаолиятидан четлатилиши борасидаги қарор юзасидан ФИФА апелляцион қўмитасига шикоят хати билан чиқади. Бу ҳақда AFP хабар тарқатди.
Эндиликда Платини ФИФА президентлиги учун сайловларда ўз номзодини қайтариб олгани ва фақатгина ўзининг коррупция билан боғлиқ жиноятларда айбдор эмаслигини исботлаш учун ҳаракат қилишини маълум қилган. ФИФА президентлиги учун сайловлар жорий йилнинг 26 февраль куни бўлиб ўтади.
Эслатиб ўтамиз, 21 декабрь куни ФИФА ахлоқ қўмитасининг арбитраж палатаси Платини ва ФИФА президенти Йозеф Блаттерни 8 йилга футбол фаолиятидан четлаштирганди.