23 ёшгача бўлган футболчилар ўртасидаги Осиё чемпионатининг дастлабки ўйини якунига етди. "А" гуруҳидан ўрин олган Эрон ва Сурия терма жамоалари ўртасидаги учрашувда форслар ғалаба қозонишди.

Ўйиннинг биринчи бўлимида Эрон устунликка эга бўлди, аммо ҳисоб очилмади. Иккинчи бўлим бошида сурияликлар фаолликни оширишгандек бўлишди, аммо голларни эронликлар уришди. 64-дақиқада Муттаҳарий жарима майдончаси ичида 3 ҳимоячидан ўтиб кетди ва дарвозани ишғол қилди. Орадан кўп ўтмасдан Милод Муҳаммадий қарши ҳужумда Сурия дарвозасига иккинчи голни киритди.

Жамоавий томонлама яхши ўйин кўрсатган Эрон дастлабки 3 очкони ўз ҳисобига қўшиб қўйди.

Ўзбекистонлик ФИФА рефериси ассистенти Жаҳонгир Саидов мазкур ўйинда австралиялик бош ҳакамга ёрдам берди.

Ёшлар (U23) ўртасидаги Осиё чемпионати
"А" гуруҳи, 1-тур
СУРИЯ - ЭРОН - 0:2
Голлар: Арсалан Мутаҳҳарий (64), Милод Муҳаммадий (72)
Сурия: 1. Абдулатиф Нассан, 3.Муайад ал-Ажжан, 4.Ҳуссайн ал-Вайед, 5.Омро ал-Миданий, 6.Амро Женайт, 8.Омар Харбин, 9.Нассуҳ Наккдаҳли, 10.Ма\муд ал-Мбайед, 15.Муайад ал-Хулий, 21.Ҳамид Мидо
Эрон: 1.Муҳаммадризо Ахборий, 2.Муҳаммад Донишгар, 3.Воҳид Ҳайдариеҳ, 4.Рузбеҳ Чешми, 7.Али Каримий, 8.Фаршид Исмоилий, 10.Арсалан Мутаҳҳарий, 11.Милад Муҳаммадий, 13.Али Абдуллоҳзода, 16.Алиризо Нағизод, 17.Маҳди Торабий