Жанубий Корея олимпия терма жамоаси бош мураббийи Осиё чемпионати "C" гуруҳи 1-турида Ўзбекистонга қарши ўйин терма жамоа учун энг муҳим ўйин эканини таъкидлади.

“Ўзбекистонга қарши ўйин биз учун гуруҳдаги энг муҳим ўйин бўлади. Мусобақани ғалаба билан бошлашга ҳаракат қиламиз. Чунки, бу бизга навбатдаги ўйинлар олдидан яхши кайфиятни тақдим этиши мумкин”, - дейди Шин Тэ Йонг.

“Мусобақага яхши тайёргарлик кўрдик. Ўзбекистонга қарши ўйинда бор кучимизни кўрсатамиз ва ғалаба қозонишга ҳаракат қиламиз”.

“Умуман олганда, гуруҳдаги барча ўйин биз учун қийин бўлиши кутилмоқда. Дастлаб, Ўзбекистонга қарши кучли ўйин кўрсатишимиз лозим. Кейин эса Ироқ ҳамда Яманга қарши ўйинларга тайёрланамиз.  Ҳар бир рақибга қарши етарлича тайёргарлик кўрамиз. Аввало, Ўзбекистонга қарши ўйинга яхши тайёргарлик кўришимиз лозим, боиси ушбу учрашувдаги ғалаба футболчиларда ўзига бўлган ишончни оширади ва навбатдаги учрашувлардан олдин кайфиятимизни кўтаради”, - дейди Жанубий Корея олимпия терма жамоаси бош мураббийи.