Бугун пойтахтимизнинг Чилонзор туманидаги “Пахтакор” футбол академияси сунъий майдонида мавсумга ҳозирлик кўраётган “Металлург” жамоаси “Қўқон 1912” жамоаси билан куч синашди ва 0:1 ҳисобида имкониятни бой бериб қўйди.
Биринчи таймда бекободликлар асосий таркибда ҳаракат қилди ва уларда ҳисобни очиш учун бир қатор имкониятлар бўлди. Аммо жамоалар танаффусга 0:0 ҳисобида чиқиб кетишди. Иккинчи таймда эса “Металлург” мураббийлари ёшлар таркибини ҳамда жамоада кўрикда бўлиб турган футболчиларни майдонга туширди. Водийликлар мураббийи Мурод Исмоилов эса аксинча ўйин бошидаги таркибни сақлаб қолди ва тайм давомида янги кучларни майдонга тушириб, ўйин темпини ошириб борди. Бекободликларда ёш ўйинчилар том маънода ўзларини кўрсатишга уринишди. Чиройли, ҳужумкор футбол кўрсатишлари баробарида тажрибасизликлари боис жузъий камчиликларга ҳам йўл қўйиб туришди. Натижада шундай хатолардан бири дарвозанинг ишғол этилиши билан якунланди.
“Металлург” – “Қўқон 1912” – 0:1 (0:0).
Ҳакамлар: Олим Тўйчибоев, Дониёр Сайлавов, Набижон Рўзиев.
“Металлург” (1-таймда): Суҳроб Султонов, Мирғиёс Сулаймонов, Ҳикмат Ҳошимов, Даврон Каримқулов, Мурод Тошматов, Дилмурод Каримов, Дониёр Одилов, Саид Абдужабборов, Руслан Вагапов, Аюбхон Нўъмонов, Зоҳид Абдуллаев.
“Металлург” (2-таймда): Тимур Тўйчиев, Жасур Аҳмедов, Омам-Бийик Халилов, Улуғбек Худоёров, Жасур Аҳмедов, Суннат Эрматов, Улуғбек Боқиев, Озод Комилов, Сирож Тошпўлатов, Улуғбек Дадабоев, Сардор Расулов.
Энди “Металлург” футболчилари навбатдаги икки учрашувни “Бунёдкор” футбол академияси майдонида мезбонларнинг ёшлар таркиби – “Бунёдкор-2” (16 январь) ҳамда “Машъал” (19 январь) жамоаларига қарши ўтказишади.
