Жамоамиз ёшлари ҳам мавсумга қизғин тарзда ҳозирлик кўришмоқда.

Дурбек Умаралиев, Мустафо Байрамов ва Шерзод Жўраев каби мураббийлар қўл остида бугунги кунда 25 нафар футболчи шуғулланмоқда. Мураббийлар машғулотлар чоғида бир қатор иқтидорли ёшларни ҳам синовдан ўтказишмоқда. Ишончни оқлаган ёшлар эса янги мавсумда “Навбаҳор” либосида майдонга тушиш ҳуқуқига эга бўладилар. Ёшлар жамоамиз мураббийлари ҳам машғулотлар давомида асосий эътиборни жисмоний қувватни мустаҳкамловчи машқларга қаратишмоқда. Шу билан биргаликда назорат ўйинларини ўтказиш ҳам режалаштирилган. Ёшларимиз мавсумлар оралиғидаги дастлабки учрашувни эртага ўтказишади. Ёш “навбаҳор”чилар Норинда биринчи лиганинг янги вакили “Норин” жамоаси билан куч синашишади. Иккинчи учрашувни эса 23 январда ўтказиш кўзда тутилган. Футболчиларимизнинг иккинчи ўйиндаги рақиби номига ҳозирча аниқлик киритилганича йўқ. Айни пайтда бу борада музокаралар давом этмоқда.