ФИФА Испаниянинг «Валенсия» ва «Вильярреал» клубларида текширув олиб бормоқда. Бу ҳақда Marca нашри хабар тарқатди.
Манбанинг ёзишича, текширув 18 ёшга тўлмаган футболчиларни рўйхатдан ўтказиш бўйича қонунбузилиш ҳолатларини аниқлашга қаратилган. ФИФА қоидаларига кўра, бундай трансферларга қатъий тақиқлар жорий қилинган.
«Валенсия» ва «Вильярреал»да тақиқланган ёшдаги футболчилар рўйхатдан ўтказилган бўлиши мумкин. Кеча худди шу сабаб билан «Реал» ва «Атлетико» жамоалари жазоланишганди.
Олдинроқ эса «Барселона» худди шу тартибдаги жазоларни ўтаганди.
Испания Қироллиги футбол федерацияси ФИФАнинг вояга етмаган футболчиларни рўйхатга олиш бўйича қонунбузилишлари ҳолатларини аниқлаши юзасидан йиғилиш ўтказиши белгилаб қўйилган.
