Ўзбекистон олимпия терма жамоаси делегацияси Осиё Футбол Конфедерациясига мурожаат қилиб, Корея-Ўзбекистон ўйини бош ҳаками Фаҳад ал-Мирдасийни ушбу Осиё чемпионатида Ўзбекистон иштирокидаги ўйинларга тайинламасликни сўради.
Ўзбекистон олимпия терма жамоаси раҳбарияти саудиялик ҳакам Фаҳад ал-Мирдасий бир қанча эпизодларда ўйин натижасига таъсир кўрсатган қарорлар қабул қилган деб ҳисоблайди.
“Ҳакамнинг қарорлари таҳлил қилинмайди ва биз буни жуда яхши тушунамиз. Аммо, ўйиндаги бир қанча вазиятларда ҳакам нотўғри қарорлари билан ўйин натижасига таъсир қилди”, - дейилади ОФКга юборилган мурожаатномада.
Шу билан бирга олимпия терма жамоаси ўзбекистонлик ишқибозларнинг ҳакамлик даражаси ҳақидаги норозилик кайфиятидаги фикр-мулоҳазаларидан ҳам хабардор эканлигини билдириб, юзага келган мураккаб вазиятни ўнглашга уриниш мақсадида ОФКга мурожаат қилишга мажбур бўлганлигини ёзади.
“ОФК ва ушбу мусобақанинг ўзбекистонлик ишқибозлар орасидаги нуфузига путур етказмаслик, ҳакамлик мавзусига бошқа қайтмаслик, шундоқ ҳам мураккаб вазиятни янада мураккаблаштирмаслик мақсадида, Ўзбекистон олимпия терма жамоаси делегацияси сиздан вазиятга тўғри баҳо беришингизни ҳамда Фаҳад ал-Мирдасийни Ўзбекистон олимпия терма жамоасининг ушбу турнирдаги кейинги ўйинларига ҳакам қилиб тайинламаслигингизни сўрайди”, - деб тугатилади мурожаатнома.
Ўзбекистон олимпия терма жамоаси 23 ёшгача бўлган футболчилар ўртасидаги Осиё чемпионатида “С” гуруҳида Корея, Ироқ ва Яман терма жамоалари билан курашга киришган.
Гуруҳнинг биринчи турида Кореяга қарши майдонга тушган ўзбекистонлик олимпиячилар 1-2 ҳисобида мағлубиятга учраган. Учрашувни Саудия Арабистонидан Фаҳад ал-Мирдасий бошқарган.
Ўйиндан кейинги матбуот анжуманида Ўзбекистон олимпия терма жамоаси бош мураббийи Самвел Бабаян журналистларнинг ҳакамлик ҳақидаги саволларига жавоб берар экан, бу ҳақида гапиришни истамаслигини, ўйинни бутун Осиё кўрганлигини ва кўрганлар фикр билдиришини айтган.
“Ёмон ўйнамадик, лекин кутган натижамизга эришолмадик. Бу мағлубият учун уялмаймиз”, - деган Самвел Бабаян.
Ўзбекистон олимпия терма жамоаси гуруҳдаги иккинчи учрашувини 16 январь куни Ироққа қарши ўтказади. Корея эса Яман билан ўйнайди.
Ўзбекистон Ироққа қарши ўйинда кўк формада майдонга тушади. Ўйин Тошкент вақти билан 21:30 да бошланади.
| 16/05 00:00 | Ман. Юнайтед | 3-2 | Ньюкасл | ||
| 16/05 00:00 | Реймс | 1-0 | Марсель | ||
| 16/05 00:00 | Ницца | 1-2 | ПСЖ | ||
| 16/05 01:00 | Сельта | 2-1 | Атлетик Бильбао | ||
| 16/05 01:00 | Хетафе | 0-3 | Атлетико | ||
| 16/05 22:30 | Лас-Пальмас | 2-2 | Бетис | ||
| 17/05 00:30 | Альмерия | 0-2 | Барселона | ||
| 17/05 01:00 | Реал Сосьедад | 1-0 | Валенсия | ||
| 17/05 23:45 | Фиорентина | - | Наполи | ||
| 18/05 21:00 | Лечче | - | Аталанта | ||
| 18/05 23:45 | Торино | - | Милан | ||
| 19/05 00:00 | Алавес | - | Хетафе |
Ўзбекистон ОТЖ илк учрашувдаги ҳакамлик борасида ОФКга мурожаат қилди
| Баҳо: |
+ | -
|
Рукн: Янгиликлар
Манба: the-uff.com
Киритилди: 10:52, 16.01.2016.
Ўқилди: 3753 марта.
Фикрлар: 6 та.
Ўқилди: 3753 марта.
Фикрлар: 6 та.
ЭНГ КЎП ЎҚИЛГАН ЯНГИЛИКЛАР
Анчелотти якуний қарорни қабул қилди [4147]
Ривалдо: "Барселона" хатога йўл қўйди" [2952]
«Реал» Карвахалга ажойиб ўринбосар топди [2892]
АПЛ йўлида кураш давом этмоқда [2452]
Гвардиоланинг ўрнини эгаллаши мумкин бўлган учта номзод номи маълум бўлди [2155]
Франциянинг Евро-2024 учун кенгайтирилган таркиби эълон қилинди [2125]
Мудрик "Барселона"ни либосида кўриниш берди (фото) [2124]
«Барса» Хави ўрнига келиши мумкин бўлган 3 номзод рўйхатини тузди [1994]
"Барселона" ва "Атлетико Мадрид" футболчи алмашмоқчи келишувга эришмоқчи [1980]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|