Жамоамизнинг учинчи ўқув-машғулот йиғини бугундан Тошкент шаҳрида бошланди.

Пойтахтимизнинг Чилонзор даҳасида жойлашган "Роҳат" меҳмонхонасида истиқомат қилаётган жамоамиз, машғулотларни шу ҳудудда жойлашган сунъий қопламали майдонда олиб боришади. Бугунги машғулот жараёнида жамоа таркибида бир қатор ўзгаришлар кузатилди. Аввалги икки йиғинда қатнашган Артём Филипосян "Бухоро" жамоасига ўтишга қарор қилган. Шунингдек, белоруссиялик футболчи Эдуард Жевнеров ҳам ўз юртига қайтиб кетди. Бундан ташқари Евгений Кочнев ҳам кўриниш бермади. Жамоа машғулотларига "Локомотив"дан Иброҳим Раҳимов, "Оқтепа"дан Сергей Рекун, Украинадан Максим Лавенецкий ва ҳужумчи Азиз Мақсудов иштирок эта бошлади. Шунингдек, ўтган мавсум жамоамиз шарафини ҳимоя этган Шавкат Саломов ҳам жамоа сафида шуғулланмоқда.

Режага кўра жамоамиз 19 январь куни Тожикистоннинг "Истиқлол" жамоаси билан ўртоқлик ўйини ўтказади.