4 карра «Отин тўп» соҳиби бўлган аргентиналик Лионель Мессининг ўйинлари ҳақида жуда кўплаб машҳур инсонлар ўзларининг фикрларини билдириб ўтишган. Биз сизларга ана шундай фикрлар гулдастасини тақдим этамиз.

Андрей Аршавин
- Мессини ўйинини кўриб ўйланиб қоласан: Нимага футболчи бўлдим-а?

Пике
- Мен доимо фарзандларимга ҳамма даврларнинг энг яхши футболчиси – Месси билан бирга тўп сурганимни фахр билан айта оламан.

Сандро Россель
- Менимча, бу футболчи 111 йиллик клуб тарихидаги энг яхши ўйинчи бўлса керак.

Пеп Гвардиола
- Қачонлардир ўз набираларимга, Леога қандай қилиб мураббийлик қилганимни айтиб, мақтаниб ўтираман.

Арсен Венгер
- Унинг бажараётган ишларини ҳақиқий санъат асарига менгзаш мумкин. Баъзан менга у оддий инсон эмасдек ва мен Playstation ўйнаётганимдек тасаввур уйғотади.

Фидель Кастро
- Назаримда Лионел қуёшнинг нурларига ўхшайди. У нур каби тезлик олади.

Йохан Кройфф
- У бутун жамоанинг жавобгарлигини ўз зиммасига олади ва қийин дақиқаларда албатта жавоб қайтара олади.

Паоло Мальдини
- Мессига ҳар йили «Олтин тўп»ни бериб турса арзийди.

Франк Райкаард
- Мессининг қилаётган ишларини оддий инсон бажара олиши мумкинлигини тасаввур ҳам қила олмайман. Уни ҳеч ким билан таққослаб бўлмайди».

Рафаэль Надаль
- Агарда кимдир Мессининг ўйинларини кузата туриб, завқланмайдиган бўлса, демак у футболда ҳеч нарсага тушунмас экан

Юсупов Фурқат