Биласиз, сўнгги пайтларда ажойиб ўйин намойиш этаётган “Наполи” ҳужумчиси Гонсало Игуаинга бир қатор жамоалар харидор бўлишмоқда.

Football Italia нашрининг маълумот тарқатишича, “Наполи” ўз етакчисини сотиш ниятида эмас ва шунинг учун ҳам неаполитанликлар Игуаинга янги шартнома таклиф қилиш хусисида бош қотиришмоқда. Унга кўра, аргентиналик ҳужумчига молиявий шартлари янада яхшиланган шартнома таклиф этилади. Футболчи билан ҳамкорлик тўхтатилиши учун берилиши лозим бўладиган сумма эса 100 миллион еврога қадар оширилади.

Таъкидлаб ўтамиз, Гонсало Игуаиннинг италян жамоаси билан тузган амалдаги шартномаси 2018 йилнинг ёзига қадар мўлжалланган.