«Реал» ярим ҳимоячиси Лука Модричнинг фикрича, жамоа Бенитес бошчилигида мавсумолди тайёргарлигини яхши олиб бора олмаган. Мадридликларнинг янги бош мураббийи Зайниддин Зидан ҳам футболчиларнинг функционал тайёргарлиги қониқарсиз эканини таъкидлаб ўтганди.

«Мавсум бошида кутилган натижага эриша олмадик. Ҳар ким ўз фикрига эга, аммо, назаримда, биз функционал жиҳатдан яхши тайёргарликка эга бўлмагандик. Мавсумолди тайёргарлик жараёни ҳаддан ташқари қисқа бўлди. Биз Австралия ва Хитойга учдик. Машғулотдан ўтказишдан кўра кўпроқ саёҳат қилдик. Кейинчалик йўқотган нарсамизни тиклаб олишга вақт бўлмади», — дейди Модрич.