"Барселона" яримҳимоячиси Арда Турон каталонияликлар сафидаги футболчилар билан муносабатлари борасида фикр билдирди.

"Иньеста -менинг кумирим, ажойиб ўйинчи. Месси - тарихдаги энг яхши ўйинчи, Аммо Андреснинг ўхшаши йўқ. У билан бирга ўйнаш ва унинг ўйинини кузатишнинг ўзи бир завқ. Месси билан ўйнасанг - бу бошқача футбол. Неймар етилиб келяпти, у янги Месси бўла олади.

Жамоадаги энг яхши дўстларим - Нймар, Алвес ва Бускетс. Суарес - ундовчи, Месси - босиқ йигит, аммо у босс, Неймар эса укамдай. Мен жамоага қўшилгач, ҳеч қандай қўпол ҳазил қилишгани йўқ, чунки улар бутса билан уриб қолишимдан қўрқишади", - дея Туроннинг сўзларини келтиради Cadena Ser.

Эслатиб ўтамиз, Арда 2015 йилда "Атлетико" - "Барселона" учрашувида (2:3) қанот ҳакамини бутса билан урган эди.