Италия кубогининг чорак финал босқичи доирасида яна бир ўйин ўтказилди. "Ювентус" Римда "Лацио" устидан минимал ҳисобда ғалаба қозонди ва ярим финал йўлланмасига эга бўлди.

"Лацио" ўз майдонида ўйнаганига ва "Юве" таркибида бир неча нафар етакчилар майдонга тушмаганига қарамай, римликлар яхши ўйин кўрсата олишмади.

Учрашувни назорат қилган Аллегри шогирдлари, иккинчи бўлимнинг ўртасида Лихтштайнер томонидан урилган гол эвазига ярим финал йўлланмасини ҳал қилишди.

Шу тариқа, "Милан", "Интер" ва "Ювентус" мамлакат кубогининг ярим финалида ўйнаш ҳуқуқига эга бўлишди.

Италиия кубоги 1/4 финал.
ЛАЦИО - ЮВЕНТУС - 0:1 (0:0).
Гол: Лихтштайнер, 66 (0:1).
Лацио: Бериша, Раду, Маурисио (Худт, 62), Бишевац, Конко (Андерсон, 73), Билья, Лулич, Милинкович-Савич, Бальде, Кандрева, Клозе (Матри, 83).
Ювентус: Нето, Касерес, Бонуччи, Кьеллини, Лихтштайнер (Куадрадо, 80), Алекс Сандро, Маркизио, Погба, Стураро, Дзадза (Дибала, 90+1), Мората (Манжукич, 76).
Огоҳлантиришлар: Лулич, 31; Маурисио, 55; Конко, 60 - Кьеллини, 44; Дзадза, 90; Дибала, 90+3.