Лионель Месси ва унинг отаси Хорхе Орасио Месси солиқ тўлашдан бўйин товлашга оид иш бўйича 31 май куни судда жавоб беради.
Аргентиналик футболчи ва унинг отаси 4,1 миллион евро миқдоридаги солиқларни тўламаганликда айбланмоқда. Прокурорнинг маълумотларига кўра, ўйинчи 2007—2009 йилларда олинган даромаддан солиқ тўламаган.
L'Equipe нашри хабарига кўра, даъвогар томон футболчи ва унинг отаси учун 22 ойлик қамоқ жазоси талаб қилган.
Мессининг ўзи собиқ агенти хатога йўл қўйганини тан олган ҳамда Испания ғазнасига 10 млн евро тўлаб, унга нисбатан жиноий иш очилмаслиги учун яна 15 млн евро тўлашга тайёрлигини маълум қилганди. Бироқ маҳаллий ҳокимият бунга рад жавобини берганди.