“Бухоро” жамоаси кеча қисқа таътилдан сўнг яна Тошкентда йиғин бошлади.
Учинчи йиғинни ҳам бухороликлар яна пойтахтда ўтказишга қарор қилишди. Мазкур йиғин давомида жамоа бир қатор янги футболчиларни кўрикдан ўтказишни мўлжалланган. Шундайлардан бири ўтган йили “Оқ-тепа” сафида ўйнаган Тимур Ҳакимовдир. Олимпия терма жамоамиз аъзоси бугундан “Бухоро” йиғинига келиб қўшилди.
Таъкидлаш жоиз, “Бухоро” эртага учинчи йиғин доирасидаги илк синов-назорат баҳсида майдонга тушади. Рақиб эса Муборакнинг “Машъал” жамоаси бўлади.
