“Лестер Сити” ҳамда Жазоир терма жамоаси ярим ҳимоячиси Рияд Маҳрез ўз мамлакатида 2015 йилнинг “энг яхши футболчиси” номига лойиқ деб топилди.
Овоз бериш жараёнида жазоирлик футболчи ва журналистлар иштирок этишди. 24 ёшли ярим ҳимоячи жами 29,5% билан биринчи ўринни эгаллади. Иккинчи ўринга “Порту” ҳужумчиси Ясин Браими (28,8%) лойиқ деб топилди. Кучли учликдан “Спортинг” форварди Ислам Слимани (17,3%) жой олди.
“Наполи” аъзоси Фаузи Ғулом (11,5%) ҳамда “Валенсия” хавбеки Софиан Фегули (6,5%) мос равишда тўртинчи ва бешинчи ўринларни эгаллашди.
Эслатиб ўтамиз, Рияд Марез Англия чемпионати доирасида 22 ўйинда майдонга тушиб, 13 та гол ва 7 та голли узатмага муаллифлик қилди.