Фарғонанинг “Нефтчи” клуби мазкур ҳафтада пойтахтдаги йиғинни якунлашини маълум қиламиз. Фарғоналик футболчилар 27 январь куни Жиззахнинг “Сўғдиёна” жамоасига қарши сўнгги назорат баҳсида майдонга тушишади ва шу куннинг ўзида жамоа Фарғонага қайтади. Шундан сўнг Андрей Фёдоров шогирдлари 29 январь куни старт оладиган Фарғона вилояти “Ҳоким кубоги”да ўз иштирокларини бошлашади. Шунингдек, Қатардаги Осиё чемпионатида ОТЖмиз дарвозасини қўриқлаган Абдумавлон Абдужалилов ҳам куни кеча машғулотларга қўшилди.
Эслатиб ўтамиз, “Сўғдиёна”га қарши баҳс Чилонзордаги сунъий қопламали майдонда бўлиб ўтади. Учрашув соат 11:00да бошланади.
