«Челси» клубининг бразилиялик ярим ҳимоячиси Рамирес ўз фаолиятини Осиёда давом эттириши мумкин.
У мунтазам ўйин амалиётига эга эмаслигидан норози ва қишки трансферлар мавсуми ўз ниҳоясига етгунига қадар «Стэмфорд Бриж»ни тарк этишни истамоқда.
Daily Mail нашрида ёзилишича, 28 ёшли футболчи фаолиятини Хитойнинг «Цзянсу Сайнти» жамоасида давом эттириши мумкин. Бу жамоа Рамиреснинг трансфери учун 25 млн тўлашга тайёрлигини билдирган.
Шунингдек, ушбу футболчи учун «ПСЖ» ва «Бавария» жамоалари таклиф беришган. Лекин айни вақтда Дан Петреску мураббийлик қилаётган хитой жамоаси бу рақобатда ютиб чиқиши ойдинлашмоқда.
