“Бухоро” жамоаси ҳам янги мавсумга тайёргарликни давом эттирмоқда.

Биласиз, бухороликлар янги мавсумга ҳозирликнинг учинчи босқичини ҳам Тошкентда ўтказишмоқда. 22 январдан бошлаб пойтахтда йиғилган “Бухоро” футболчилари кунига икки маҳалдан машғулотлар олиб боришмоқда. Кўрикка бир қатор янги ўйинчилар келиб қўшилаётганини ҳам таъкидлаш жоиз.

Бугун “Бухоро” ўқув-йиғин лагерига Асилбек Омонов келиб қўшилди. Афтидан Олимпия терма жамоамиз дарвозабони “Қўқон-1912”ни тарк этган кўринади.

Эртага “Бухоро” навбатдаги синов-назорат баҳсида майдонга тушади. Жамоа бу сафар Бекободнинг “Металлург” клубига қарши баҳс юритади.