Бир неча кун олдин “Оқ-тепа” жамоаси бош мураббийи сифатида иш бошлаган тажрибали мутахассис Марат Мифтахуддинов клуб расмий сайти учун қисқача интервью берди.
- “Оқ-тепа” икки йилдан буён ўз олдига олий лигага чиқиш вазифасини қўяди. Ўтган йили клубга бу йўлда озгина омад етишмай қолди. Ушбу мавсумда олдимизга қўйилган вазифани уддалашга ҳаракат қиламиз. Айнан шу жиҳат клубда иш бошлашимга асосий омил бўлди.
Жамоада қиладиган ишларимиз кўп. Айниқса, селекция борасида иш олиб боришимиз керак. Мақсадим – курашувчан жамоа тузиш. Агар мақсадимга етиша олсам, ҳаммаси жойида бўлади.
