Россиялик тажрибали футболчи Юрий Жирков Санкт-Петербургнинг «Зенит» жамоаси билан 2 йиллик шартнома имзолаган. Бу ҳақда футболчининг янги жамоаси сайтида маълум қилинди.
Қайд этилишича, футболчи питерликлар сафига 2016 йилнинг 1 июлида келиб қўшилади. Жирков янги жамоасига эркин агент мақомида ўтади. Агар томонлар унинг «Зенит»га эртароқ ўтишини истаса, «Динамо» билан музокара ўтказиш талаб этилади. Футболчи ҳозирда айнан шу жамоа аъзоси ҳисобланади.
Жорий мавсумда Жирков Россия чемпионатининг биринчи мавсумида 16та ўйинда иштирок этди ва 3та голли узатма муаллифи бўлди.
