Неапол шаҳри прокуратураси футбол клубларининг солиқлардан бўйин товлаш ҳамда молиявий фирибгарликлар амалга оширишда гумон қилиб, текширув бошлади.

Маълум қилинишича, Италиянинг А ва В сериялари вакиллари бўлган 35та жамоа шубҳа остига тушган. Шунингдек, клублар раҳбариятлари вакиллари бўлган 100дан ортиқ киши текширилади.

Football Italia нашри хабарига кўра, Италия Солиқ идоралари ҳисоб рақамлардан 12 млн евро миқдоридаги маблағнинг йўқолиши бўйича текширув ўтказади.

Қўшимча қилинишича, бу "Офсайд операцияси"га қуйидаги таниқли шахслар тааллуқли бўлиб турибди: жамоа хўжайинлари Клаудио Лотито («Лацио»), Аурелио Де Лаурентис («Наполи»), Адриано Галлиани («Милан»), Маурицио Дзампарини («Палермо»), Энрико Прециози («Дженоа»), Андреа Делла Валле («Фиорентина»); футболчилар – Херман Денис («Аталанта» сардори), Чиро Иммобиле («Торино»), Антонио Ночерино («Милан»), Эсекиэл Лавесси («ПСЖ»); «Модена» мураббийи Эрнан Креспо.