"Реал" клуби президенти Флорентино Перес "Барселона" жамоаси ҳужумчиси Неймарни трансфер қилиш учун футболчига 35 млн евро миқдорида маош таклиф этмоқчи. Бу ҳақда sport.es хабар тарқатган.
Хабар қилинишича, Перес мавсум охирида жамоа етакчиси Криштиану Роналду билан ҳамкорликни тўхтамоқчи ва унинг ўрнига айнан Неймарни олиб келмоқчи.
Айни дамда Неймарнинг "Барселона"даги йиллик даромади 15 млн еврони ташкил қилади.
Газетада ёзилишича, агар бу трансфер амалга ошадиган бўлса, Неймар 30 млн евро миқдоридаги бонусга ҳам эга бўлади.
Неймарнинг шартномасида уни трансфер қилишни истаган жамоа 190 млн евро тўлаши кераклиги белгилаб қўйилган. Роналдунинг шартномасида эса бу миқдор 1 млрд евро.
