"Барселона" жамоаси бош мураббийи Луис Энрике "Атлетик"ка қарши мамлакат кубоги доирасида ўтказилган учрашув вақтида маҳаллий мухлисларнинг каталонияликлар футболчиси Андрес Иньестага қарши ҳақоратли сўзлар ишлатиб, уни "ақли заиф" деб атаганига муносабат билдирди.
"Мен бу вазиятни чалкаштиришни истамайман. Мен тушунаман, мухлислар ўз ҳиссиётларини тийиши қийин, лекин футболчига бундай сўзлар айтиш зўравонликдир. Агар улар мени танқид қилишганида, бундай муноасабат билан чиқмас эдим", дейди мураббий Marca нашрига.
Бундан олдинроқ, Испания профессионал футбол лигаси зўравонликка қарши кураш давлат қўмитасига ушбу ҳолат бўйича ҳисобот юборгани маълум қилинганди.