Футзал бўйича Ўзбекистон миллий терма жамоаси февраль ойида Тошкентда ўтказиладиган Осиё чемпионатига тайёргарликни давом эттирмоқда.

Хосе Мария Мендез бошчилигидаги терма жамоамиз кеча мусобақа олдидан сўнгги йиғинни бошлади. Йиғинга жами 16 нафар футзалчи чақирилди. Осиё чемпионатида иштирок этадиган якуний рўйхатдан эса 14 нафар футзалчи ўрин олади. Демак, йиғинга чақирилганлардан икки нафари якуний рўйхатдан тушиб қолади.

Кечаги машғулотда терма жамоада иш бошлаган физиотерапевт бразилиялик Анҳолето Александре Шуҳрат Тожибоев билан тренажер залида шуғулланган бўлса, қолган футзалчилар билан Мендез бошчилигидаги мураббийлар машғулот олиб боришди.

Йиғинга чақирилганлар рўйхати:

1.  Рустам Умаров, "Олмалиқ"
2.  Акмал Ҳазратқулов, "Дўстлик-AIN"
3.  Клим Тюгаев, "Олмалиқ"
4.  Нодир Элибоев, "Ардус"
5.  Жавлон Аноров, "Олмалиқ"
6.  Артур Юнусов, "Ардус"
7.  Фарҳод Абдумавлонов, "Ардус"
8.  Дилшод Раҳматов, "Ардус"
9.  Феруз Фаҳриддинов, "Дўстлик-AIN"
10. Дилшод Ирсалиев, "Ардус"
11. Андрей Шлема, "Олмалиқ"
12. Даврон Чориев, "Ардус"
13. Жамолиддин Шарипов, "Олмалиқ"
14. Константин Свиридов, "Олмалиқ"
15. Илҳом Ҳамроев, "Ардус"
16. Шуҳрат Тожибоев, "Гансу Масрей" (Хитой)

Эслатиб ўтамиз, Ўзбекистон терма жамоаси Осиё чемпионатида Ливан, Қирғизистон ва Саудия Арабистони терма жамоалари билан бирга "A" гуруҳида кураш олиб боради.