“Реал Мадрид” клуби етакчиси Криштиану Роналду сўнгги пайтларда киритаётган голлари эмас, балки, рақиб ўйинчиларига нисбатан қўпол ўйинлари билан кўпчиликнинг диққат марказида бўлиб турибди.
“Бетис”га қарши кечган ўйинда португалиялик форвард Франсиско Молинерони атайин чалиб йиқитди. Бироқ, ҳакам ушбу вазиятни ё кўмади, ё кўргиси келмади.
Бир ҳафта аввал эса Роналду “Спортинг Хихон” аъзоси Начога нисбатан анча қўпол ўйнаганди. “Реал” етакчиси рақиб футболчисининг сон қисмига қаттиқ зарба йўллаган. Ўйиндан сўнг португалиялик ҳужумчи ана шу вазиятга қўйидагича изоҳ берди.
- Агар атайин зарба бермоқчи бўлганимда, Начога жиддий жароҳат етказган бўлардим, - деганди Роналду.
Қизиқ, ушбу вазиятда ҳам ҳакам қўполлик борлигини кўрмадими? Агар кўрган бўлса нега огоҳлантириш бермади? Балки Роналдунинг савлати ва машҳурлиги бунга сабабдир?
Сўнгги бир пайтларда бундай ҳолатлар тез-тез учрамоқда. “Барселона” билан ўйинда Дани Алвес Роналдунинг тирсагидан жабр кўрган.
“Севилья”да Гжегож Криховяк, “Лас-Пальмас”да эса Дэвид Саймон Роналдунинг қўполлигига дуч келган.
Эътиборлиси шундаки, “Реал” ҳужумчиси мазкур қоидабузарликларнинг ҳеч қайси бирида огоҳлантирилмаган. Мавсум бошидан буён эса у иккита ўйинда огоҳлантириш олган экан.
