Аввал хабар берганимиздек Рўзиқул Бердиев бошчилигидаги “Насаф” жамоаси 26 январ куни қишки ўқув-йиғин машғулотларини ўтказиш учун БААнинг Дубай шаҳрига жўнаб кетган эди.Хорижий йиғинда 23 нафар футболчи иштирок этмоқда. “Насаф” ПФК расмий сайтининг хабарига кўра, “аждарлар” у ерда учта назорат учрашувини ўтказишни ўз режасига киритган.
Бугун бизга “Насаф”нинг ана шундай спарринг рақиблардан бири маълум бўлди. Ўтган мавсумда Ўзбекистон Кубоги соҳибига айланган “Насаф” жамоаси 5 феврал куни Россия Премьер-лигасида иштирок этаётган Самара шаҳрининг “Крылья Советов” жамоасига қарши назорат учрашуви ўтказади.
Бу ҳақда россияликларнинг расмий сайти хабар тарқатди.
Эслатиб ўтамиз мазкур жамоани айни пайтда бельгиялик мутахасис Франк Веркаутерен бошқариб бормоқда, агар “Насаф” жамоаси мухлисларининг ёдида бўлса, ушбу мураббий 2012 йилги ОЧЛ доирасидаги Қарши шаҳрида бўлиб ўтган “Насаф” – “Ал-Жазира” учрашувида абу-дабиликлар жамоасини майдонга бошлаб тушган эди.
