Ўзбекистоннинг биринчи рақамли теннисчи – 29 ёшли Денис Истомин келишилган ўйинлар иштирок этишда шубҳа остига олинган спортчилар рўйхатига киритилганидан ажабланганини билдириб ўтди, деб ёзади «Интерфакс».

«Бу бутунлай абсурд. Бундай маълумотлар ҳеч қандай асосга эга эмас», дея таъкидлаган Истомин.

Шунингдек, у мазкур рўйхатга етакчи спортчиларнинг киритилгани кўпроқ пиар можароларни ёдга солаётганини ҳам таъкидлаб ўтди.

Эслатиб ўтамиз, олдинроқ, BuzFeed нашри келишилган ўйинларда иштирок этгани шубҳа остида бўлган теннисчилар рўйхатини эълон қилган ва дунёнинг энг кучли 50талигига кирган теннисчиларнинг 16таси, бундан ташқари ўзбекистонлик Денис Истоминни номини ҳам кўрсатиб ўтганди.