Мадриднинг “Реал” жамоаси сотиб олган ёш футболчилари рамзий терма жамоасини тузиб чқидик. Қуйида “Қироллик клуби” томонидан харид қилинган ёш футболчилар рамзий жамоаси билан танишишингиз мумкин.

Дарвозабон
1. Кейлор Навас (“ Леванте ”- 10 млн . евро )

Рамзий жамоага 20 ёшгача бўлган футболчиларни киритган эдик. Бироқ “Реал” сотиб олган энг ёш дарвозабон ўша пайтда 27 ёшда бўлган. 2014 йили “Қироллик клуби” “Леванте”дан Навасни 10 млн.еврога сотиб олган.

Ҳимоячилар
2. Серхио Рамос (“Севилья”- 27 млн.евро)
3. Рафаэл Варан (“Ланс” - 10 млн.евро)
4. Марсело (“Флуминенсе” - 6,5 млн.евро)
5. Хесус Валлехо (“Сарагоса” - 5 млн.евро)

Мадридликлар Марселони 2006 йили, Варанни 2011 йили, Валехони 2015 йили сотиб олганида бу футболчилар 18 ёшда бўлишган. Рамос эса 2005 йили 19 ёшида “Реал”нинг оқ либосини кийган.

Ярим ҳимоячилар
6. Фернандо Гаго (“Бока Хуниорс” - 20,5 млн.евро)
7. Кларенс Зеэдорф (“Сампдория”- 8,6 млн.евро)
8. Серхио Каналес (“Расинг” - 6 млн.евро)
9. Жереми Нжитап (“Генчлербирлиги”- 5 млн.евро)

Мадрид суперклуби ёш ярим ҳимоячилар учун ҳам маблағни аяб ўтирмаган. 1996 йили Зеедорф, 1999 йили Нжитап, 2006 йили Гаго 20 ёш пайтидаёқ қимматбаҳо футболчига айланишган бўлса, Каналес 2010 йили 19 ёшида 6 млн.евро эвазига “Реал”га трансфер қилинган.

Ҳужумчилар
10. Николя Анелка (“Арсенал” - 35 млн.евро)
11. Ройстон Дрент (“Фееноорд” - 14 млн.евро)

“Реал” 1999 йили ақлбовар қилмас сумма эвазига 20 ёшли Анелкани сотиб олган бўлса, 2007 йили 20 ёшли Дренте учун яна катта маблағ сарфлади. Энг қизиғи ҳар иккала трансфер ҳам омадсиз чиқди.

Фурқат Юсупов