Юртимиздаги футбол мавсумини асосан бахор, ёз ва куз даври ўз ичига олди. Қишда эса жамоалар дам олади ва мавсумга тайёрланади. Анъанавий Фарғона вилояти "Ҳоким кубоги" эса қиш фаслида катта футболни соғинган ишқибозлар учун ҳақиқий футбол байрамига айлашиши аниқ. Эртага турнир тарихидаги 21-"Ҳоким кубоги" футбол мусобақаси бошланади. 7 фервалга қадам давом этадиган турнирда 12 та жамоа ўз имкониятларини ишга солишади.
Хар йили мазкур мусобақада Фарғонанинг "Нефтчи" клубини асосий фаворит ҳисобланиб келади. Бироқ жамоамиздан ташқари навбатдаги турнирда Олий лиганинг "Қўқон-1912" "Андижон" ҳамда "Қизилқум" каби кучли жамоаларининг иштирок этиши "Ҳоким кубоги-2016"даги рақобатни янада кучайтириши аниқ.
Кеча "Нефтчи" жамоаси Тошкентдаги йиғинни якунлаб, Фарғонага қайтиб келди. Фёдоров шогирдлари "Ҳоким кубоги"ни 31 январь куни бошлашади. Асосан "Нефтчи" ёшларини ўз таркибида жамлаган "Нефтчи-2" жамоаси эса эртага турнирдаги ўз иштирокини бошлайди. "ФарДу-Футбол инфо" жамоаси "Нефтчи-2"га илк турда рақиблик қилади.
29 январь. Фарғона шаҳри. ФарДу спорт мажмуаси стадони.
“Ҳоким кубоги-2016”. 1-тур.
“Нефтчи-2” – “"ФарДу-Футбол инфо”
Беллашув соат 15:00да бошланади. Барча футбол мухлисларини мазкур учрашувга таклиф этиб қоламиз!
"Нефтчи" ПФК матбуот хизмати.
