Англиянинг «Манчестер Сити» клуби яримҳимоячиси Кевин де Брюйненинг агенти Патрик де Костер, мижозининг «Эвертон»га (3:1) қарши Лига кубоги учрашувида олган жароҳати борасида гапириб ўтди.
«Кевин камида олти ҳафта муддатни ўтказиб юборади. Ҳозирча шундан бошқа бирор нарса дея олмайман.
Де Брюйне ўзига ишонган футболчи. Албатта, у ҳам Лига кубоги финали ва ЕЧЛнинг нимчорак финалини ўтказиб юборишдан бироз хафа бўлди. Аммо, Кевин қанчалик тез майдонга қайтишни ўйламаганида Кевин бўла олмасди», – дея таъкидлади агент.
Де Костер шунингдек, футболчининг Евро-2016 мусобақасини ўтказиб юбориши мумкинлиги борасидаги саволга ҳам жавоб қайтарди.
«Ҳеч қачон олдиндан аниқ билиб бўлмайди. Ҳозирги вақтда мен буни муҳокама қилмоқчи эмасман. Ҳммаси Кевиннинг ўзига боғлиқ – концентрация қила олиш ва ўз ҳолатини яхшилаш. Қолганини кейин кўрамиз», – деди агент.
