Фарғонанинг "Нефтчи" клуби ҳимоячиси Жаҳонгир Меҳмонов жароҳатидан тикланди. Хабарингиз бор, ҳимоячи ўтган мавсум кўпинча жароҳат муаммосига дуч келди. Айни пайтга келиб Жаҳонгир Олий лига-2015да ортириб олган жароҳатидан тикланди ва машғулотларда иштирок этмоқда.
- Ўзимни яхши хис қиляпман. Лекин Тошкентдаги ўйинларда иштирок этмадим. Насиб қилса, 31 январь куни майдонга тушаман ва "Ҳоким кубоги"да "Нефтчи" шарафини ҳимоя қиламан, - деди 25 ёшли наманганлик футболчи.
Эслатиб ўтамиз, Меҳмонов ўтган мавсумда "Нефтчи" шарафини 18 ўйинда ҳимоя қилган ва 1620 дақиқа майдонда ҳаракат қилган. Футболчини "Ёзёвон-Лочинлари"га қарши учрашувда майдонга қайтиши кутилмоқда.
"Нефтчи" ПФК матбуот хизмати.
