БАА Про Лигасида 16-тур учрашувлари ўтказилмоқда.
Бугунги кун ўйинлари доирасидан ўрин олган учрашувлар орасида Фужайранинг “Дибба” ҳамда Дубайнинг “Ал Шабаб” клублари қарама-қаршилиги анча қизиқарли кўриниш олди. Кескин курашларга бой тарзда ўтган матчда фужайраликлар икки тўп фарқи билан зафар қучишди.
“Дибба” – “Ал Шабаб” 2:0
Голлар: Аҳмад Тариқ (62), Борис Каби (67).
Таъкидлаш жоиз, Ўзбекистон терма жамоаси ярим ҳимоячиси Азизбек Ҳайдаров ўйинни кутилганидек бошланғич таркибда бошлади ва тўлиқ 90 дақиқа майдонда ҳаракат қилди.
Эртага тур доирасидаги яна 2 та учрашув ўтказилади. Улардан бирида яна бир ҳамюртимиз Шавкат Муллажонов тўп сураётган “Ал Шааб” “Эмирейтс” уйига сафар уюштиради.
