Кеча жамоамиз “Вилоят Ҳокими Кубоги-2016″даги иштирокини бошлади. “Нефтчи” Футбол мактабига қарашли стадионида иккинчи жамоамиз биринчи лиганинг янги вакили “Норин” жамоасига қарши ўтказди. Мазкур баҳсда “Қўқон-1912-2” жамоаси ишончли ғалабага эришди. Қуйида ушбу учрашувдан тайёрланган фотомақола билан танишинг:
Учрашувни фарғоналик ҳакам Жавоҳир Ҳакимов бошқариб борди.
Дарвозани қўриқлаш тажрибали Азиз Ашуровга ишониб топширилди.
Иззат Ғаниев ўзининг фаоллиги билан ажралиб турди.
Жароҳатидан фориқ бўлган Нодир Қўзибоев секин-аста ўз ўйинини топиб бормоқда.
Маъруф Зокиржонов ҳам мухлисларда яхши таассурот қолдирди.
Азизхон Ибрагимов учрашувда ҳисобни очди.
Хайрулло Жакпаров тўп учун курашда.
Мураббийларимиз ўйинни синчковлик билан кўзатиб боришди.
Об-ҳавонинг ноқулай бўлишига қарамай, стадионга кўплаб мухлислар ташриф буюришди. Бу албатта турнирнинг савияси йилдан-йилга ошиб бораётганидан дарак беради.
