Ўтган мавсумнинг иккинчи қисмини Қозоғистоннинг “Жетису” клуби сафида ўтказган ўзбекистонлик ёш ярим ҳимоячи Бобир Давлатов яна бир қозоқ клуби – “Актобе” йиғинида қатнашаётгани ҳақида хабар берган эдик.

10-30 январ кунлари Туркияда йиғин ўтказган “Актобе” дастлабки мавсумолди йиғинини якунлади. Жамоа футболчиларига ва кўрикда бўлган ўйинчиларга 4 февралга қадар қисқа таътил берилди. Энди “Актобе” 4 февралдан навбатдаги йиғинни бошлайди.

Маълумотларга қараганда, 19 ёшли ўзбекистонлик футболчи ҳам “Актобе”нинг навбатдаги йиғинида иштирок этди. Агар аслида трансфер ҳуқуқи Россиянинг “Рубин” жамоасига тегишли бўлган ёш ярим ҳимоячи мазкур йиғин давомида ҳам ўзини кўрсата олса, катта эҳтимол билан янги мавсумни Қозоғистон Премьер Лигасида ўтказади.